TATITRY NY FILANKEVITRY NY MINISITRA NATAO TAO AMIN’NY LAPAM-PANJAKANA IAVOLOHA
- ALAROBIA 09 DESAMBRA 2020 -
-
I- FAMPAHAFANTARANA
79.000ar NY GONIM-BARY MANERANA AN’I MADAGASIKARA ENY AMIN’IREO MPANAFATRA :
Nifanaikena tamin’ny mpanafatra fa 79.000 ar ny gonim-bary tokony alefa eny amin’ny tsena ankehitriny. Misy 500.000t ny vary nafarantsika miaraka amin’ireo mpandraharaha Malagasy amin’ity taona ity ary ampy tsara izany ho amin’ny filan’ny mponina hiatrehana ny maintso ahitra. Tsy hiakatra ihany koa ny vidin’ny menaka sy ireo kojakoja ilaina amin’ny fiainana andavanandro araka ny fifanekena tamin’ireo orinasa mpamokatra sy ireo orinasa mpanafatra izany. Tsy tokony hisy noho izany ny fiakaran’ny vidin’entana eny an-tsena mandritra izao fety izao, indrindra ireo sakafo ilaina andavanandro ary hihatra ny sazy amin’ireo izay mandika izany.
KALY TSINJO HITSINJARA IZANY IREO MPIVAROTRA HANIMASAKA:
Ireo mpivarotra hanimasaka eny anivon’ny Fokontany no hahandro sy hitsinjara ny «Kaly Tsinjo» ka hiara-hiasa amin’ny ministeran’ny mponina sy ireo kaominina ary ireo tompon’andraikitra isan-tokony. Hisy anefa ny fandraisan’anjara ariary 100 isan’olona ho an’ireo misakafo eny isaky ny fizarana sakafo atoandro. Hisy lamina manokana ho fanatanterahana izany ary mialoha ny fankalazana ny Noely no atomboka izany mandritra ny fe-potoana tsy voafetra. Hisy ny karazan-tsakafo miova isan’andro mandritra ny herinandro izay miantomboka ny Alatsinainy ka hifanarana ny Asabotsy. Hisy famatarana manokana ireo toerana mitsinjara ny “Kaly Tsinjo” izay natao ifampitsinjovana manoloana ny fahasarotan’ny fiatrehana ny fiainana andavanandro.
FANAMBOARANA TOERAM-PITSABOANA HO AN’NY ANTOKOM-PINOANA KATOLIKA:
* Nankatoavin’ny Filankevitry ny Minisitra ny fanomezana fanalefahan- ketra ho an’ny EKAR Saint Joseph Toamasina mikasika ireo entana nafaran’izy ireo ho entina hanamboarana toeram-pitsaboana ao Toamasina.
MPIKAMBANA FENO AO «OEACP» ISIKA :
* Nampahafantarina nandritra ny Filankevitry ny Minisitra ny maha mpikambana feno an’i Madagasikara ao anatin’ny OEACP na ny Organisation des Etats d’Afrique, des Caraïbes et du Pacifique rehefa niova izany ny volana desembra 2019, izay marihana fa nitondra ny anarana Groupe ACP tamin’ny nananganana azy ny taona 1975 araka ny « accord Georgetown »
-
II- FANDANIANA DIDIM-PANJAKANA SY VOLAVOLAN-DALANA
Araka ny tolo-kevitry ny Minisitry ny Fiarovam-Pirenena :
Nolaniana nandritra ny Filankevitry ny Minisitra ny volavolana didim- panjakana amin’ny fametrahana ny « Zones de Défense et de Sécurité » sy ireo fehin-kevitra sy rindran-damina mifehy izany.
Araka ny tolo-kevitry ny Minisitry ny Fanajariana ny Tany sy ny asa Vaventy :
Noraisina nandritra ny Filankevitry ny Minisitra ny volavolana didim-panjakana vaovao mifehy ny sata mifehy ny « Foiben-Taosarintanin’i Madagasikara (FTM) » sy ny fomba fiasa sy lamina rehetra ao anatiny.
Noraisina nandritra ny Filankevitry ny Minisitra ny volavolana didim-panjakana milaza ny filan’ny fanjakana ny toerana sy faritra manodidina ny “zone de recul de trait de côte, le périmètre de protection et la bande littorale » araka ny « Plan d’Urbanisme Directeur de la Ville de Morondava » ao amin’ny Kaominina Ambonivohitra Morondava sy ny Fokontany Bemanonga, Kimony, Andranoteraka, Ankirijibe, Antanambe 508 sy ao amin’ny Fokontany Tanandava Benjamino ao anatin’ny Kaominina Ambanivohitra ao Bemanonga.
-
III- FANENDRENA
Ny Filankevitry ny Minisitra dia nankatoa ny fanendrena ireto mpiasampanjakana ambony ireto :
Araka ny tolo-kevitry ny Fiadidiana ny Governemanta :
- Ratoa VOLOLONTIANA épouse RANDRIANASOLO Hanta Marie Danielle, dia voatendry ho Mpandrindra Nasionalin’ny ONN na ny « Office National de Nutrition ».
Araka ny tolo-kevitry ny Minisitry ny Toe-karena sy ny Fitantanam-bola :
- Atoa RAKOTO Andriamboavonjy Dimby, dia voatendry ho Tale misahana ny « Etudes et de la Modélisation Economique »
Araka ny tolokevitry ny Minisitry ny Filaminam-Bahoaka :
- Commissaire de Police de Première Classe RAKOTONIRINA Jimmy Clark, dia voatendry ho Tale misahana ny « Forces d’Intervention de la Police ».
- Contrôleur Général de Police RAKOTOMALALA Andriamarolahy Fanomezantsoa, dia voatendry ho Talem-paritra ao Diana.
- Commissaire Divisionnaire de Police TOMBOHASY Christian, dia voatendry ho Talem-paritra ao Boeny
Araka ny tolo-kevitry ny Minisitry ny Fampianarana Ambony sy ny Fikarohana ara-tSiansa :
- Atoa M. RASOLOMANDIMBY Mahefatiana Philibert, dia voatendry ho Tale misahana ny CROUA na ny Centre Régional des Œuvres Universitaires d’Antananarivo.
Natao androany faha 09 Desambra 2020
Ny sampan-draharahan’ny serasera sy ny fifandraisana
eo anivon’ny Fiadidiana ny Repoblika
